口交（又叫含撚、吹簫、擔柴、損賍等）指用口或者脷刺激朘嘅性行為。口交可以由異性或者同性嘅兩人相互進行。口交亦可以自我進行，叫做自我口交（男：autofellatio；女：autocunnilingus）。
動機
好多時係一啲女性唔方便造愛嘅日子，例如係月經期間，又或者係非安全期，女性唯有以口交嚟滿足伴侶，漸漸地女性會以口交嚟增加對伴侶挑逗。
口交分為男性對女性嘅口交同女性為男性嘅口交，男性對女性嘅口交係男性用條脷刺激女性嘅陰核及陰道，甚至會將條脷伸入女性嘅陰道嚟代替男性性器官嚟刺激女性；而女性為男性嘅口交就係女性用口部代替陰道套住男性嘅性器官，上下移動嚟模仿造愛嘅情況，加上條脷嘅刺激可以帶畀男性更大嘅刺激。
既然精子入唔到陰道就唔係太可能會導致懷孕（唔係完全冇可能），咁口交就被用嚟作為一種避孕嘅方法。好多人——包括越來越多嘅未成年人——為咗呢個原因而選擇咗口交或者肛交嘅性交方式 [未記出處或冇根據]（就算肛交時精液重係有可能進入陰道）。
有啲人唔能夠接受口交，但亦有好多人樂於此道 [未記出處或冇根據]。有時口交並唔係為咗避孕，而係作為「前戲」而做嘅。生殖器官具有大量嘅神經末梢，非常敏感，雖然脷、嘴唇都係噉，由於嘴入面冇刺激性慾嘅受器，係感受唔到性興奮，但因敏感嘅觸覺，若同時進行性幻想，係可以勾起性慾嘅。
Source: 維基百科 (2013-06-13)
http://zh-yue.wikipedia.org/wiki/%E5%8F%A3%E4%BA%A4